Árleg bænavika um einingu kristinna manna verður í söfnuðunum á Akureyri 16. - 23. janúar. Bænavikan hefst með
útvarpsguðsþjónustu frá Glerárkirkju sunnudaginn 16. janúar kl. 11:00
Viljum við hvetja alla til þátttöku í guðsþjónustunni en þar mun Ingibjörg Jónsdóttir, öldungur
Hjálpræðishersins, hún Imma okkar, flytja ræðu, og fulltrúar frá söfnuðunum taka þátt í ritningarlestri, bæn og
söng. Kór Glerárkirkju undir stjórn Valmars Väljots og sönghópur munu leiða liflegan og fjölbreyttan söng. Sr. Arna Ýrr
Sigurðardóttir mun þjóna fyrir altari.
Það eru teknir átta dagar til þessa samkirkjulega bænastarfs á hverju ári og eru rúm hundrað ár síðan kristnar kirkjur um
víða veröld hófu þetta bænastarf. Á hverju ári er efni undirbúið af kirkjudeildunum á ákveðnu svæði að
þessu sinni er efnið undirbúið í Jerúsalem. Yfirskriftin er lýsing á frumsöfnuðinum þar og tekin úr
Postulasögunni:
“Þeir ræktu trúlega uppfræðslu postulanna og samfélagið, brotningu brauðsins og bænirnar”. (Post. 2,
42).
Nánar má fræðast um dagskrá samkirkjulega bænavikunnar
á vef prófastsdæmisins.