Gjaldskrá um greiðslur fyrir aukaverk presta þjóðkirkjunnar er gefin út af kjaranefnd Prestafélags Íslands. Þessi gjaldskrá tók gildi 1. maí 2024.
| Athafnir: | Gjald á dagvinnutíma | Gjald utan dagvinnutíma | |
| Skírn í sérstakri athöfn í kirkju, heimahúsi eða sal | 8.425 kr. | 16.904 kr. | (það kostar ekkert að skíra barn í messu) |
| Æfing vegna hjónavígslu | 0 kr. | 12.074 kr. | |
| Hjónavígsla | 15.696 kr. | 24.148 kr. | |
| Kistulagning | 9.659 kr. | 18.111 kr. | |
| Útför | 36.222 kr. | 43.466 kr | |
| Athöfn við jarðsetningu duftkers eða kistu, sem ekki er í beinu framhaldi af útför | 16.904 kr. | 16.904 kr. | |
| Akstursgjald | 141 kr/km |
Sálgæsla og viðtöl eru auðvitað ókeypis þjónusta.
Greiðsla ferðakostnaðar skal miðast við almennt akstursgjald ríkisstarfsmanna skv. gildandi auglýsingu ferðakostnaðarnefndar fjármála- og efnahagsráðuneytisins og vera í samræmi við þau viðmið sem fram koma í 2. mgr. þessarar greinar. Þéttbýli skv. 2. mgr. telst vera þar sem íbúar eru 4.000 eða fleiri en dreifbýli þar sem þeir eru færri.
a. Akstur vegna skírnar eða hjónavígslu innan prestakalls í þéttbýli sé að hámarki 24 km.
b. Akstur vegna skírnar eða hjónavígslu innan prestakalls í dreifbýli sé að hámarki 60 km.
c. Akstur vegna greftrunar í þéttbýli sé 12 km. Við bætast 12 km ef kistulagning er sérstök athöfn og enn fremur ef prestur kemur að frágangi duftkers í grafreit.
d. Aksturskostnaður vegna greftrunar í dreifbýli sé að hámarki 1/3 af kostnaði vegna þóknunar prests skv. gjaldskrá, sbr. 2. gr. reglugerðar nr. 155/2005.
Ferðakostnað prests vegna skírnar og hjónavígslu greiðir sá sem beiðist verksins, sbr. a. og b. liði. Presti ber að upplýsa greiðendur fyrirfram um ferðakostnað. Ekki skal greiða ferðakostnað vegna fermingar.