Together in Snow and Sun - boring or fun?

29 stk.
04.03.2012

Á árabilinu 2006 til 2011 tóku alls 13 ungmenni erlendis frá þátt í verkefni æskulýðsstarfs Glerárkirkju sem bar heitið ,,Together in Snow and Sun". Verkefnið fékk styrk frá Evrópu Unga Fólksins innan ramma evrópskrar sjálfboðaliðaþjónustu. Ungmennin dvöldu mislengi á Akureyri, sum aðeins 6 mánuði, önnur allt að 13 mánuði. Í febrúar 2012 stóð æskulýðsstarf Glerárkirkju svo fyrir matsfundi þar sem öllum fyrrverandi sjálfboðaliðunum var boðið að koma til landsins og funda í nokkra daga á Akureyri og Vestmannsvatni ásamt fulltrúum eigin samtaka. Markmiðið var að skoða sjálfboðaliðaverkefnið í heild sinni. Myndirnar hér á eftir gefa innlit í verkefnið.

Fyrri 1 2 Næsta

Beitt var fjölbreyttum aðferðum til þess að tjáning um hið jákvæða og neikvæða yrði sem augljósust. Hér eru sjálfboðaliðarnir í hlutverkum fimm sjónarmiða; Einn tjáir bjartsýnina, annar rökfestuna, þriðji efasemdirnar, fjórði framtíðarsýnina og fimmti

Á alþjóðakvöldinu gætti margskyns krása á borðum, en íslenskur þorramatur var þar í öndvegi.

Hvað þarf að vera til staðar fyrir sjálfboðaliðann? Spurt um tengslanet og ferli ...

Eitt af verkefnunum sem fundurinn tókst á við var að SVÓT greina Glerárkirkju sem aðila á bak við ungmennastarfa og þá sem móttökusamtök fyrir erlenda sjálfboðaliða sér í lagi.

Stór hluti matsfundarins var haldinn á Vestmannsvatni.

Að loknu erindi Þórgnýs Dýrfjörðs fengu viðstaddir tækifæri til þess að skoða Hof í hólf og gólf.

Þórgnýr Dýrfjörð tók á móti hópnum í Hofi, kynnti starfsemi Akureyrarstofu og þá þróun sem hefði átt sér stað í ferðamanna- og menningarmálum á Akureyri hin síðustu ár. Kynning hans kom af stað frjórri umræðu um hvernig sjálfboðaliðar almennt gætu komið að menningarstarfi á Akureyri. Þá hvöttu sjálfboðaliðarnir fyrrverandi forsvarsfólk æskulýðsstarfs Glerárkirkju til að skoða frekara samstarf við Akureyrarbæ um slík verkefni.

Þær Sigríður Stefánsdóttir, Zane Brykovska og Dagný M. Harðardóttir tóku á móti hópnum í Ráðhúsi Akureyrar og fræddu hópinn um stöðu mála á Akureyri í fræðslu og stuðningi við almenning og þá sér í lagi þau sem flytja til bæjarins erlendis frá. Í máli sjálfboðaliðanna kom fram að það hefði verið mikilsvert fyrir sjálfboðaliðana að fá sundkort og skíðapassa frá bænum. Að sama skapi væri mjög miður að sá stuðningur hefði verið lagður niður 2009. Fyrir hönd sjálfboðaliða framtíðarinnar sögðust fyrrverandi sjálfboðaliðarnir vonast til þess að Akureyrarbær sæi sér aftur fært að veita þennan stuðning.

Heimsókn í Rósenborg mánudaginn 20. febrúar var mjög upplýsandi fyrir okkur í Glerárkirkju sem og fyrir sjálfboðaliðana. Fram kom í máli sjálfboðaliðanna að þeim hafði ekki öllum verið nægilega vel kunnugt um þá starfsemi sem fram fer í Rósenborg og því beint til ábyrgðaraðila í Glerárkirkju að tryggja að sjálfboðaliðar Glerárkirkju í framtíðinni fái kynningu á starfi ungmennahússins og að þeim sé gefið tækifæri til frekari tengslamyndunar við það unga fólk sem þar starfar.

Mánudagsmorguninn 20. febrúar áttu fundarmenn góðan fund með Gunnar Gíslasyni deildarstjóra Skóladeildar Akureyrarbæjar. Þar gafst sjálfboðaliðunum kostur á að tjá sig um verkefnið og ræddar voru hugmyndir og óskir um frekari aðkomu Skóladeildar að verkefninu.

Matsfundir voru haldnir á öllum leikskólunum þremur (Sunnuból, Síðusel og Krógaból) sem að verkefninu hafa komið. Á fundunum var almennt lýst yfir mikilli ánægju með verkefnið og að allir leikskólarnir hefðu fullan áhuga á því að halda verkefninu áfram. Í máli sjálfboðaliðanna kom fram almenn ánægja með starfið á leikskólunum og þótti langflestum það vera mikilvægur hluti af sjálfboðaliðaverkefninu ,,Together in Snow and Sun

Hlut af dagskrá matsfundarins voru heimsóknir á leikskólana þar sem að sjálfboðaliðarnir höfðu starfað, en Glerárkirkja hefur átt í mjög góðu samstarfi við þrjá leikskóla í næsta nágrenni kirkjunnar: Sunnuból, Síðusel og Krógaból þar sem þessi mynd er tekin. Á mánudagsmorgninum, 20. febrúar, gafst sjálfboðaliðunum tækifæri til að heimsækja gömlu leikskólana sína og rifja upp gömul kynni. Fyrr en varði voru sum þeirra komin á fullt að hjálpa til, enda morgunverður í gangi og nóg að gera.

Dagskráin fyrsta daginn hófst í heitu pottunum í Sundlaug Akureyrar. Þó svo að okkur í Glerárkirkju séu allir sjálfboðaliðarnir vel kunnir, þá voru þau flest að hittast í fyrsta sinn og því mikilvægt að hafa tíma til þess að spjalla saman í óþvinguðu andrúmslofti - og eins og Íslendingar þekkja, eru heitu pottarnir tilvaldir til slíks.

Á meðan á fundinum stóð var lögð rík áhersla á að fyrrverandi sjálfboðaliðar fengju sem fjölbreyttust tækifæri til þess að íhuga og tjá sig um eigin upplifun og álit á sjálfboðastarfinu sem fram fór í Glerárkirkju og hjá samstarfsaðilum (aðallega Krógaból, Síðusel og Sunnuból).

Fundinn sóttu ekki einvörðungu fyrrverandi sjálfboðaliðar og fulltrúar Glerárkirkju, heldur einnig nokkrir fulltrúar frá svonefndum sendisamtökum. Þannig er mál með vexti að enginn er erlendur sjálfboðaliðinn innan Evrópu Unga Fólksins án þess að baki hans séu sendisamtök. Þau velja sjálfboðaliðana og hjálpa þeim í gegnum kerfið, styðja þau á meðan á ferlinu stendur og hjálpa þeim við að meta hvernig til tókst þegar heim er komið. Hér kynnir Alzbeta, fulltrúi KFUM og KFUK í Tékklandi hennar samtök og hvernig þau standa að verki sem sendisamtök.

Alls hafa 13 manns stutt við æskulýðsstarf Glerárkirkju með því að starfa sem erlendir sjálfboðaliðar við kirkjuna í 6 til 13 mánuði. Tíu af þeim höfðu tök á því að taka þátt í matsfundinum. Hér standa þau fyrir framan fundarfólk á opnum fundi, sunnudaginn 19. febrúar, og kynna sig.

Stóran hluta tímans sat hópurinn og fundaði, ýmist við borð eða á stólum í hring, jafnvel í smáhópum eða tveggja manna teymum. Allt stefndi að einu og sama markmiðinu: Að meta EVS sjálfboðastarfið í Glerárkirkju, umgjörð þess og innihald. Hér er setið í safnaðarsal Glerárkirkju.

Fyrri 1 2 Næsta

Together in Snow and Sun - boring or fun?

Valmynd