Hópferð á söngleikinn Hero

Glerárkirkja í samstarfi við KFUM og KFUK á Akureyri stendur fyrir hópferð á söngleikinn Hero laugardaginn 17. mars næstkomandi. Hópferðin er opin fyrir alla árgerð '94 og eldri sem eru þátttakendur í starfi KFUM og KFUK, Glerárkirkju, KNS eða á Hjálpræðishernum. Í boði er rútuferð, gisting (flatsæng) og léttur morgunverður.

Brottför er frá Akureyri laugardaginn 14. mars kl. 09:00. Þegar komið er til Reykjavíkur gefst smá tími til að fara í Kringluna en hópurinn er svo samferða á sýninguna sem hefst stundvíslega kl. 17:00 í Loftkastalanum. Um kvöldið mun hópurinn mæta á fund hjá KSS (Kristileg skólasamtök) í höfuðstöðvum KFUM og KFUK í Reykjavík á Holtavegi 28 en þar er einnig gist. Á sunnudeginum er léttur morgunverður áður en lagt er af stað. Áætlaður komutími til Akureyrar er kl. 15:30.

Athugið að aðeins þeir sem eru búnir að kaupa sér miða á umrædda sýningu (Hero, laugardagurinn 14. mars, kl. 17:00) geta skráð sig í rútuferðina. Verð fyrir rútu, gstingu og morgunverð er kr. 2.500. Upplýsingar og skráning er hjá Jóhanni Þorsteinssyni í síma 462 6330 eða á netfangið johann(hjá)kfum.is

Upplýsingafundur og allra síðasti skráningardagur er miðvikudaginn 11. mars kl. 20:00 í félagsheimili KFUM og KFUK í Sunnuhlíð.