Jafnrétti og sjálfbærni - þjóðgildaumræðan heldur áfram

Mánudagskvöldið 14. mars eru þjóðgildin jafnrétti og sjálfbærni til umræðu í Glerárkirkju. Dagskráin hefst kl. 20:00. Þar mun Andrea Hjálmsdóttir, bæjarfulltrúi Vinstri-Grænna flytja framsöguerindi en Bjarni Guðleifsson náttúrufræðingur mun vera með inngangsorð og annast stutta helgistund. Fólk er hvatt til að mæta og hlusta á góð erindi og taka þátt í umræðunni. Fimmta umræðukvöldið fjallaði um þjóðgildin: Lýðræði og jöfnuður. Sr. Arna Ýrr Sigurðardóttir prestur í Glerárkirkju flutti inngangsorð og stjórnaði helgistund. Inngangsorð hennar má lesa á trú.is. Þá flutti Guðmundur Baldvin Guðmundsson bæjarfulltrúi Framsóknarflokksins framsöguerindi kvöldsins. Erindi hans er í heild á youtube. Á vef prófastsdæmisins má lesa samantekt frá kvöldinu.

Fjórða umræðukvöldið fjallaði um þjóðgildin: Virðing og réttlæti. Katrín Ásgrímsdóttir, sem situr í kirkjuráði þjóðkirkjunnar var með hugvekju. Hugvekju hennar má lesa á trú.is. Þá flutti Hermann Jón Tómasson fulltrú Samfylkingunnar erindi sem hann nefndi: “Þjóðgildin virðing og réttlæti. Erindi hans er í heild á You-tube. Á vef prófastsdæmisins má lesa samantekt á innleggi þeirra og nokkur atriði úr umræðunum.

Þriðja umræðukvöldið fjallaði um þjóðgildin: Heiðarleiki og traust. Fjalar Freyr Einarsson kennari var með hugvekju. Nálgast má punkta frá hugvekju hans á vef Glerárkirkju. Þá flutti Hlín Bolladóttir fulltrúi Lista fólksins erindi um heiðarleika og traust. Erindi hennar er í heild á You-tube. Ávef prófastsdæmisins má lesa samantekt frá kvöldinu.

Annað umræðukvöldið fjallaði um þjóðgildin: Ábyrgð og frelsi. Sr. Svavar A. Jónsson, sóknarprestur í Akureyrarkirkju var með hugvekju. Hugvekju hans má lesa á trú.is. Þá flutti Baldur Dýrfjörð fulltrúi Sjálfstæðisflokksins erindi um ábyrgð og frelsi. Erindi hans er í heild á You-tube. Á vef prófastsdæmisins má lesa samantekt frá kvöldinu.

Umræðukvöldin hófust 7. febrúar síðastliðinn, en það kvöld flutti Gunnar Hersveinn erindi um ÞJÓÐGILDIN. Nálgast má samantekt frá fyrsta kvöldinu á vef prófastsdæmisins, en einnig bendum við á vef bókarinnar, http://www.thjodgildin.is/

Á vef Glerárkirkju má líka finna yfirlit yfir frásagnir frá kvöldunum: http://www.glerarkirkja.is/is/fraedsla/margmidlun