Áhugafólk um kristni og samfélag er hvatt til að taka miðvikudagskvöldin í október og nóvember frá. Á hverju
miðvikudagskvöldi þá tvo mánuði verða samræðukvöld í Glerárkirkju í samstarfi við Eyjafjarðarprófastsdæmi
um trúna á Krist, guðspjöllin og nútímann. Í umræðu kvöldanna verður meðal annars stuðst við bók páfa
,,Jesús frá Nasaret"
Þessa dagana er unnið að undirbúningi og munu frekari auglýsingar birtast hér á vefnum fljótlega sem og á
vef prófastsdæmisins. En hér stutt yfirlit:
- 5. október kl. 20:00. Sagan og raunveruleikinn
- 12. október kl. 20:00. Kirkjan og guðfræðin
- 19. október kl. 20:00. Leikhúsið og helgihaldið
- 26. október kl. 20:00. Bókmenntir og listir
- 2. nóvember kl. 20:00. Menning og samfélag
- 9. nóvember kl. 20:00. Heimspeki og þekking
- 16. nóvember kl. 20:00. Samfélag og siðfræði
- 23. nóvember kl. 20:00. Jesús Kristur, sannur maður, sannur Guð?
Nánari upplýsingar gefa umsjónarmenn kvöldanna þeir sr. Guðmundur Guðmundsson héraðsprestur (462 6701) og Pétur Björgvin
Þorsteinsson, djákni í Glerárkirkju (464 8807).
