Töframaðurinn frá Tallinn

Þeir eru ekki margir sem hafa á jöfnu valdi að spila undravel bæði á orgel, píanó, harmonikku og fiðlu. Hvað þá að hafa blásið í básúnu sér til bjargar í hernum. Valmar Väljaots uppfyllir hins vegar öll þessi skilyrði en hann er Norðlendingum að góðu kunnur fyrir tónlistargáfu sína. Valmar flutti til Húsavíkur árið 1994 þá 27 ára gamall og hefur búið á fjórum stöðum á Norðurlandi, hin síðari ár á Akureyri. Í viðtali við Akureyrarblaðið ræðir Valmar uppvöxtinn í Eistlandi, forlagahyggjuna, Rússahatrið, naívískan ölvunarakstur á Húsavík og óendanlega orku Mývatnssveitar.

Þannig hefst opnuviðtal við Valmar Väljaots, organista í Glerárkirkju, í nýjasta tölublaði Akureyri-vikublaðs. Vefútgáfa blaðsins er aðgengileg hér.

Uppfært 3. júní: Nú einnig aðgengilegt sem frétt á vefnum.