Fermingar 2025

Skráning í fermingarfræðslu og fermingar í Glerárkirkju vorið 2025 er hafin hér að neðan.

Smellið á fermingardagana til að opna skráningareyðublað, ef þið viljið skrá þau í fræðsluna en velja dag síðar veljið þá það eyðublað.
Vinsamlegast skráið börnin ekki á marga daga til að "taka frá" pláss.

Fermingardagar Glerárkirkju vorið 2025:
13.apríl – pálmasunnudagur kl.11:00
3.maí – laugardagur kl.10:30*
3.maí – laugardagur kl.13:00*
17. maí – laugardagur kl.10:30*
17. maí – laugardagur kl.13:00*
25.maí – sunnudagur kl.11:00

Smellið hér til að skrá barn í fræðslu og sendið svo póst á sindrigeir@glerarkirkja.is til að velja dag.

*með þeim fyrirvara að ef báðar stundir eru fámennar verður þeim slegið saman í eina athöfn kl.11:00

Þegar þið skráið barn á dag eruð þið sjálfkrafa að skrá það í fermingarfræðsluna, svo það þarf ekki að skrá það sérstaklega í hana.

Fræðsludagar að hausti

Við stefnum á að byrja með fræðsludögum í vikunni áður en skólinn hefst í ágúst.

Mánudagurinn 12.ágúst – Glerárskóli kl.13:00-15:00
Þriðjudagurinn 13.ágúst – Síðuskóli kl.13:00-15:00
Miðvikudagurinn 14. ágúst – Giljaskóli kl.13:00-15:00

Við viljum hafa þetta skólaskipt en ef einhver komast ekki með sínum skóla eða vilja frekar mæta með öðrum skóla er velkomið að koma þann dag sem hentar best.

Þarna er markmiðið að kynnast hópnum og leyfa þeim að kynnast kirkjunni og okkur sem verðum með fræðsluna, við förum í leiki og skoðum fræðsluefni vetrarins.

Fermingarfræðslan

Í september hefst hefðbundin fræðsla og lykilorðin hjá okkur verða fjarfræðsla og val.
Þrjá þriðjudaga fyrir áramót og þrjá eftir áramót er gert ráð fyrir að þau mæti í fræðslu.
Tvo laugardaga á hvoru misseri verður vinnustofa (workshop) með krökkunum og þau velja hvorn laugardaginn þau mæta á, sem sagt einn á hvoru misseri.
Þá verða þrjár auka þriðjudags fræðslustundir á hvoru misseri sem þau taka aðeins þátt í ef þau vilja og hafa áhuga á.
Auk þess fá þau myndbönd og biblíusögur heim sem þau horfa á og svara spurningum í verkefnahefti.

Næsta vor er gert ráð fyrir ferð á Hólavatn með þau úr fermingarhópnum sem vilja.

Endanlegar dagsetningar á fræðslu vetrarins munu liggja fyrir í byrjun ágúst.

Í fræðslunni vinnum við með kristna trú og lífsgildi, hvað það er sem skiptir okkur máli í lífinu, hvernig samfélag við viljum skapa og megin fræðsluefnið okkar er unnið út frá hugmyndafræði jákvæðrar sálfræði. Við munum kynnast íhugun og bæn, gömlu góðu biblíusögunum og markmiðið með fermingarfræðslunni er auðvitað að gefa grundvöll til að geta tekið upplýsta ákvörðun þegar það kemur að fermingunni.

Facebook hópur fyrir foreldra og forráðamenn

Við reynum að vera í góðu tölvupóstssambandi við foreldra og forráðamenn yfir veturinn, en það hefur líka reynst vel að nýta Facebook til þess, því hvetjum við ykkur til að finna hópinn „Fermingarhópur Glerárkirkju 2025“ (tengill) og sækja um aðgang að honum.

Allar upplýsingar um fermingarfræðsluna og fermingarna verður undir hnappinum „Fermingar“ á heimasíðunni okkar, glerarkirkja.is

 Kostnaður - með fyrirvara

Fræðslugjaldið fyrir veturinn er 24.000 kr og fer sá kostnaður í ýmis útgjöld vegna utanumhalds, skipulags og í að fá inn fermingarfræðara sem starfa með prestunum við fræðsluna. 

Reikningsnúmer og kennitala er
0565-26-1092
450269-2479

Æskilegt er að greiða gjaldið í haust þegar fræðslan hefst, en hægt er að skipta greiðslunni í tvennt og greiða þá í upphafi hvorrar annar.
Ef það er erfitt að greiða gjaldið vegna einhverra ástæðna er um að gera að heyra í okkur prestunum og við leysum það.

Ef það eru einhverjar spurningar eða vangaveltur er hægt að senda póst á sindrigeir@glerarkirkja.is