Fréttir

Glerárkirkja er opin fyrir framhaldsskólanemendur kl. 10-14 alla virka daga meðan á verkfalli framhaldsskólakennara stendur. Fyrsti dagurinn er föstudaginn 21. mars. Boðið er upp á lesaðstöðu, nestisaðstöðu og netaðgang. Það er von okkar að nemendur sem búa nálægt kirkjunni geti notað sér þennan möguleika til að stunda nám sitt og hitta skólafélagana. Í umræðunni hefur verið bent á að hætta sé á að nemendur snúi sólarhringnum við og að erfiðlega gangi að sinna náminu heima og að hætta sé á að einhver detti út úr námi. Vonandi getur kirkjan orðið vettvangur samfélags nemenda og um leið hvatning til að stunda námið.

Kvöldguðsþjónusta verður í Glerárkirkju sunnudaginn 16. mars kl: 20 Sr. Gunnlaugur Garðarsson þjónar. Krossbandið leiðir söng. Allir velkomnir.

Messa sunnudaginn 16. mars kl. 11. Sr. Arna Ýrr Sigurðardóttir þjónar. Kór Glerárkirkju leiðir söng undir stjórn Valmars Väljaots. Allir velkomnir. Sunnudagskólinn kl. 11. Sameiginlegt upphaf í messu. Brúðuleikhús, söngur og fjör.

Fyrsta málþingið um mannréttindi og réttlæti er nú hægt að skoða hér á vefnum. Hugvekja sr. Örnu Ýrr Sigurðardóttur, prests í Glerárkirkju, og erindi Margrétar Steinarsdóttur, framkvæmdastjóra Mannréttindaskrifstofu Íslands. Næsta miðvikudag kl. 20 mun Halldór S. Guðmundsson fjalla um fátækt og misskipting auðs. Hann er einn af höfundum skýrslunnar Farsæld sem nálgast má að vef Hjálparstarfs kirkjunnar á help.is.

Nú hafa fermingarbörnin fengið með sér heim blað með ritningarversum og spjald til að skrifa niður versið sem þau velja. Þau þurfa að gera þetta í samráði við foreldra eða forráðamenn og skila í næstu viku í fermingarfræðslu. Hér eru nokkur vers sem hægt er að velja.

Sr. Arna Ýrr Sigurðardóttir kynnti málþingin í mars á miðvikudagskvöldum kl. 20 um réttlæti. Hér má sjá kynninguna og á næstunni birtast hugvekja hennar og erindi Margrétar Steinarsdóttur um mannréttindi og réttlæti. Það var upplýsandi erindi um mannréttindi og uppruna þeirra og þýðingu fyrir nútímasamfélag okkar. Pallborðsumræður voru gefandi með fulltrúum frá stjórnmálaflokkum á Akureyri.

Messað verður í Glerárkirkju sunnudaginn 9. mars kl 11. Sameiginlegt upphaf í barnastarfi. Sr. Gunnlaugur Garðarsson þjónar. Kór Glerárkirkju leiðir söng undir stjórn Petru Bjarkar Pálsdóttir Allir velkommnir.

Á miðvikudagskvöldunum í mars verður málþing kl. 20-22. Félagslegt réttlæti verður skoðað út frá fjórum þemum: 1. Mannréttindi – réttlæti. 2. Fátækt og misskipting auðs. 3. Jafnrétti og jafnræði. 4. Einstaklingshyggja – Samfélagsleg ábyrgð. Auk fyrirlesara taka fulltrúar sjórnmálaflokka þátt í pallborðsumræðum. Í upphafi er stutt hugvekja út frá efni kvöldsins. Velkomin að taka þátt í opinni umræðu um málefni sem snerta alla. Kvöldin eru öllum opin og kosta ekkert. Miðvikudaginn 5. mars fjalla Magrét Steinsdóttir um mannréttindi og réttlæti. Hún framkvæmdstjóri Mannréttindaskrifstofu Íslands.