Fréttir

Jólatónleikar Kórs Glerárkirkju verða sunnudaginn 12. desember kl. 16:00. Efnisskráin er mjög fjölbreytt og er hún hugsuð fyrir fólk á öllum aldri. Þar er að finna lög og sálma sem er gott að hlusta á og einnig slík sem gott er að syngja með. Sérstakir gestir á tónleikunum verða hinir þjóðþekktu Hvanndalsbræður.

Þessa dagana stendur yfir 16 daga átak gegn kynbundnu ofbeldi. Af því tilefni skrifar Pétur Björgvin djákni í Glerárkirkju pistil á trú.is sem nefnist Jörðin er flöt, en þar segir hann meðal annars: Ég vil reyna að brjótast upp úr því djúpa hjólfari sem karlremba árþúsundanna situr enn föst í. Þó þykir mér sem það gangi hægt – það að koma sjálfum mér upp úr þessu hjólfari. Lesa pistil á trú.is

Aðventukvöld verður haldið í Glerárkirkju sunnudagskvöldið 5. desember og hefst það kl. 20:30. Gestur kvöldsins og ræðumaður er Jón A. Baldvinsson, vígslubiskup á Hólum. Kór Glerárkirkju, ásamt Æskulýðskór Glerárkirkju syngur og leiðir almennan söng undir stjórn Valmars Väljaots. Ljósaathöfn fermingarbarna í lok stundarinnar.

Þessi saga hefst í byrjun desembermánaðar 1986. Nokkrir skátar leggja leið sína frá Austurríki til Betlehem. Á bak við ferðina standa austurríska útvarpið og skátahreyfingin þar í landi. Þetta er friðarför.

Út er komin hjá bókaútgáfunni Tindur bókin Ást fyrir lífið í íslenskri þýðingu Péturs Björgvins djákna í Glerárkirkju. Hún er ætluð fólki sem vill leggja í sjálfnám og vinnu við eigið hjónaband. Sjá kynningu á vef bókaútgáfunnar.

Á sunnudaginn kemur hefst aðventan. Í Glerárkirkju fögnum við upphafi hennar með fjölskylduguðsþjónustu kl. 11. Þar verður kveikt á 1. kerti aðventukransins og sungnir aðventusálmar. Barna- og æskulýðskórar kirkjunnar leiða sönginn. Einnig fáum við að heyra börn úr 2. bekk Síðuskóla flytja nokkur lög á blokkflautur. Prestur er Arna Ýrr Sigurðardóttir. Sunnudagaskólinn fyrir yngri börn er á sama tíma með sameiginlegu upphafi. Allir eru velkomnir.

Í pistli dagsins á trú.is skrifar Pétur Björgvin djákni um samskipti og nauðsynlega forsendu samskipta: Það að við skiljum hvort annað og þau hugtök sem við notum. Lesa pistil á trú.is.

Um fimm ára skeið hafa starfað erlendir sjálfboðaliðar í Glerárkirkju, en Glerárkirkja fékk vottun sem viðurkennd móttökusamtök árið 2005. Frá því á síðasta ári er Glerárkirkja einnig viðurkennd sendisamtök. Sjá frétt á vef prófastsdæmisins.

,,Ég óska mér þess að við séum fús að læra af reynslu forfeðra, nágranna og samferðafólks, hlusta á hvort annað ..." skrifar Pétur Björgvin djákni meðal annars í pistli dagsins á trú.is.

Síðustu mánudagskvöld hefur verið boðið upp á umræðukvöld um stefnumál kirkjunnar í Glerárkirkju. Næstkomandi mánudagskvöld er síðasta umræðukvöldið að sinni en þar munu fulltrúar kjördæmisins á Kirkjuþingi segja frá helstu niðurstöðum af  þinginu.