Fréttir

Vikuna 13.-16. júní verður ævintýranámskeið á vegum Glerárkirkju fyrir 12 börn á aldrinum 6-8 ára. Námskeiðið er í umsjón séra Jóns Ómars og Eydísar Aspar æskulýðsfulltrúa. Námskeiðið kostar aðeins 7000kr. og eru aðeins þrjú laus pláss.

Sunnudaginn 29. maí verður messa í Lögmannshlíðarkirkju kl. 14. Sr. Guðmundur Guðmundsson, héraðsprestur þjónar.

Sunnudaginn 22. maí verður messa kl. 11 í Glerárkirkju. Sr. Gunnlaugur þjónar og kórinn syngur undir stjórn Valmars. Kl. 20 verður kvöldguðsþjónusta með Krossbandinu. Allir velkomnir.

Söngfuglar Glerárkirkju, Barnakór og Æskulýðskór Glerárkirkju halda tónleika þann 18. maí kl. 17. Aðgagnseyrir er 1000 krónur og rennur allur ágóði til Barnadeildar SAk. Allir velkomnir.

Það verður fermingaræfing föstudaginn næstkomandi kl. 15 vegna fermingar þann 14. maí í Glerárkirkju. Þau ungmenni sem fermast 14. maí eiga að mæta. Á æfingunni á að greiða kirtlagjald kr. 1.200 og gjald vegna ljósmyndar kr. 1.800.

Sunnudaginn 15. maí er hvítasunnudagur og þá verður hátíðarmessa kl. 11 í Glerárkirkju. Sr. Gunnlaugur Garðarsson þjónar, kór Glerárkirkju leiðir söng undir stjórn Valmars Väljaots, organista.

Laugardaginn 14. maí n.k. verður fermingarmessa kl. 13:30 í Glerárkirkju, fermd verða 13 ungmenni. Sr. Gunnlaugur og sr. Jón Ómar þjóna ásamt meðhjálpurum. Kór Glerárkirkju syngur undir stjórn Valmars Väljaots, tónlistarsnillings.

Uppstigningardagur er dagur eldri borgara í Þjóðkirkjunni og af því tilefni verður messa í Glerárkirkju fimmtudaginn 5. maí kl. 14. Sr. Guðmundur Guðmundsson þjónar, Karlakór Akureyrar - Geysir leiðir almennan söng. Eftir messu býður söfnuðurinn til messukaffis. Allir velkomnir.

Sunnudaginn 8. maí verður messa kl. 11. Eftir messu verður aðalsafnaðarfundur Lögmannshlíðarsóknar. Sr. Gunnlaugur Garðarsson þjónar í messunni, kór Glerárkirkju syngur undir stjórn Valmars Väljaots.

Aðalsafnaðarfundur Lögmannshlíðarsóknar verður haldinn sunnudaginn 8. maí næstkomandi að lokinni messu. Messan hefst kl. 11:00. Á aðalsafnaðarfundi er gerð grein fyrir starfsemi og rekstri sóknarinnar á liðnu starfsári og reikningar afgreiddir. Allir eru velkomnir á aðalsafnaðarfund.