Fréttir

Þriðja hvert mannsbarn er kristinnar trúar, en trúin hefur flust suður á bóginn. Þetta er m.a. það sem má lesa í fróðlegri grein Kristeligt Dagblad.

Miðvikudagskvöldið 3. apríl mun sr. Vigfús Ingvar Ingvarsson, fv. sóknarprestur á Egilsstöðum flytja erindi sem nefnist ,,hinn boðandi söfnuður" en erindið er hluti af fræðslukvöldaröð prófastsdæmisins og Starfs- og leikmannaskóla kirkjunnar sem fer fram þessar vikurnar að frumkvæði Glerárkirkju. Dagskráin hefst kl. 20:00 með helgistund í umsjón sr. Gunnlaugs Garðarssonar sem einnig leiðir umræður að kaffihléi loknu.

Helgihald í Glerárkirkju verður með eftirfarandi hætti um páskana:

Næsta sunnudag, pálmasunnudag, verður boðið upp á fundi með foreldrum fermingarbarna, bæði að lokinni fjölskylduguðsþjónustu og kvöldguðsþjónustu. Á fundinum verður farið yfir ýmis praktísk mál með foreldrum, og tækifæri gefst til spurninga og spjalls. Foreldrum er frjálst að velja hvorn fundinn þeir mæta á.

ATH: NÝ DAGSETNING: 3. Apríl! Kjarni boðunarstarfs kirkjunnar er prédikun fagnaðarerindisins - að kalla fólk til trúar á Jesú Krist og til þátttöku í hinu nýja samfélagi í Kristi. Með einkunnarorðum sínum ítrekar þjóðkirkjan að hún er boðandi kirkja. Miðvikudagskvöldið 3. apríl mun sr. Vigfús Ingvar Ingvarsson, fv. sóknarprestur á Egilsstöðum flytja erindi sem nefnist ,,hinn boðandi söfnuður" en erindið er hluti af fræðslukvöldaröð prófastsdæmisins og Starfs- og leikmannaskóla kirkjunnar sem fer fram þessar vikurnar að frumkvæði Glerárkirkju. Dagskráin hefst kl. 20:00 með helgistund í umsjón sr. Gunnlaugs Garðarssonar sem einnig leiðir umræður að kaffihléi loknu. Það eru allir hjartanlega velkomnir í Glerárkirkju þetta kvöld. Aðgangur er ókeypis en tekið er á móti frjálsum framlögum í kaffisjóð.

Gunnhildur Helgadóttir kemur í heimsókn og kynnir fyrir okkur ýmsar olíur og gagnsemi þeirra, og hver veit nema hún kenni okkur eitthvað í iljanuddi líka!

Þessar vikurnar standa yfir í Glerárkirkju fræðslukvöld prófastsdæmisins í samstarfi við Starfs- og leikmannaskóla þjóðkirkjunnar. Til þess að sem flestir geti notið fræðslukvöldanna þá eru framsöguerindin hvert kvöld tekin upp og birt í sjónvarpi kirkjunnar, www.kirkjan.is/sjonvarp. Nú þegar hafa fjögur erindi verið birt þar og er fólk hvatt til að kynna sér þau sem og að koma og taka þátt í kvöldunum sjálfum, á miðvikudagskvöldum fram til 3. apríl.

Sr. Ragnar Gunnarsson, framkvæmdastjóri Sambands íslenskra kristniboðsfélaga flytur erindi á fræðslukvöldi í Glerárkirkju, miðvikudagskvöldið 13. mars 2013 kl. 20:00. Yfirskrift erindisins er ,,Orð Guðs í nútímanum - Boðunin í hnotskurn" og er erindið það fimmta af samtals átta erindum sem flutt verða vorið 2013 í Glerárkirkju um hina biðjandi, boðandi og þjónandi kirkju. Fræðslukvöldin eru samstarfsverkefni Starfs- og leikmannaskóla þjóðkirkjunnar, Eyjafjarðar- og Þingeyjarprófastdæmis og Glerárkirkju. Upptökur af erindum kvöldanna eru birt á kirkjan.is/sjonvarp.

Í prédikun dagsins minnti sr. Arna Ýrr Sigurðardóttir kirkjugesti á að það er mikilvægt að leggja orð Jesú við Símon Pétur á minnið: ,,Ég hef beðið fyrir þér að trú þín þrjóti ekki og styrk þú bræður þína og systur“ því þau minntu okkur á að þrátt fyrir að við manneskjurnar bregðumst, gerum hluti sem við sjáum eftir, jafnvel hluti sem við hefðum haldið um fyrirfram að við myndum aldrei gera, þá elskar Jesús okkur og honum er umhugað um okkur. Hægt er að horfa á prédikun dagsins hér á vef Glerárkirkju.

Hlutverk hinnar biðjandi, boðandi og þjónandi kirkju er miðpunktur þeirrar fræðslu og umræðu sem nú fer fram á miðvikudagskvöldum í Glerárkirkju á Akureyri. Miðvikudaginn sjötta febrúar flutti sr. Gísli Gunnarsson sóknarprestur og Kirkjuráðsmaður erindi sem nefndist Köllun kirkjunnar á tímum skeytingarleysis og andstæðna. Upptaka af erindinu er nú aðgengileg í sjónvarpi kirkjunnar.