Fréttir

Aðventukvöld verður í Glerárkirkju sunnudagskvöldið 1. desember. Ræðumaður verður Guðni Ágústson fv. ráðherra. Kór Glerárkirkju syngur ásamt Barna-og æskulýðskór kirkjunnar. Fermingarbörn taka þátt í ljósaathöfn. Allir velkommir.

Messa verður í Glerárkirkju Sunnudaginn 1. desember Sr. Gunnlaugur Garðarsson þjónar. Kór Glerárkirkju leiðir söng undir stjórn Valmar Väljaots.

231.860 krónur söfnuðust í söfnun fermingarbarna til Hjálparstarf kirkjunnar en þau gengu í hús í Glerárhverfi síðustu tvær vikur og er þetta frábær árangur.

Samvera eldri borgara verður í Glerárkirkju 21. nóvember kl. 15.00 Rútuferðir frá Lindarsíðu og Lögmannshlíð. Gestur samverunnar verður Helena Eyjólfsdóttir söngkona sem mun gleðja þáttakendur í tali og söng við undirleik Valmars Väljaots.

Velkomin í súpu til styrkta línuhraðli á Landsspítalanum. Eftir guðsþjónustuna kl.11 verður á boðstólunum dýrindis, matarmilkil súpa og brauð. Lámargs gjald er 1500 krónur, ókeypis fyrir 13 ára og yngri. allur ágóði rennur í söfnunina. Oddur Helgi Halldórsson varaformaður bæjarráðs, skenkir á diskana. Dagný Halla Björnsdóttir og Sunna Friðjónsdóttir syngja nokkur lög.

Eins og undanfarið ár verður samstarf um jólaaðstoð milli Hjálparstarfs kirkjunnar, Hjálpræðishersins, Mæðrastyrksnefndar Akureyrar og Rauða krossins við Eyjafjörð. Þannig er sótt um að hringt er í síma 537 9050 milli kl. 11:00 og 13:00 á mánudegi, þriðjudegi eða miðvikudegi fyrir 5. desember. Bókað er viðtal þar sem fyllt er út umsókn og koma þarf með staðgreiðsluyfirlit frá skattinum. Um er að ræða kort sem nota má í verslunum til matarkaupa fyrir þá sem eiga lítið handa á milli.

Messa verður í Glerárkirkju sunnudaginn 17, nóvember kl: 11.00. Kór Glerárkirkju leiðir almennan söng. Prestur er sr. Gunnlaugur Garðarsson. Tekið á móti samskotum fyrir línuhraðli á Landspítalann. Sunnudagskóli kl. 11:00. Sameiginlegt upphaf í messu. Allir velkomnir.

Síðasti söfnunardagur fermingarbarnanna er á mánudaginn 11. nóvember kl. 17:30 - 21:00. Söfnunin er þáttur í starfi Hjálarstarfs kirkjunnar og margar kirkjur á landinu taka þátt í því. Þau fermingarbörn sem vilja taka þátt í söfnunni mæta í Glerárkirkju kl. 17:30 á mánudaginn. Hér með eru foreldrar og forráðamenn minnt á þessa söfnun en meðfylgjandi bréf var sent með fermingarbörnunum í síðustu viku. Söfnuðurinn er beðin að taka vel á móti þeim.

Næstkomandi sunnudag kemur sr. Jakob Hjálmarsson í heimsókn á kristniboðsdaginn 10. nóvember. Hann verður með í kvöldguðsþjónustu. Hann hefur starfað á vegum Sambands íslenskra kristniboðsfélaga í Afríku að fræðslu presta og prédikara. Um það má lesa nánar hér á síðunni. Hann hefur stuðlað að tengslum við söfnuði í Kenía og íslenskra safnaða og verður það umfjöllunarefni á fundi á sunnudaginn kl. 19. Vonir standa til að kynning hans á verkefninu verði til að skapa lifandi tengsl milli Glerárkirkju og safnaðar úti í Kenía. Til að hafa reglulega skemmtilega umgjörð verður boðið upp á mat frá Afríku, Vodd og Grill-spjót, ágóðin mun renna til kristniboðsstarfsins, einnig verður tekið á móti frjálsum framlögum. Það þarf að skrá sig í matinn í síðasta lagi föstudaginn 8. nóvember í Glerárkirkju í síma 464 8800 eða hjá Guðmundi 897 3302 / gudmundur.gudmundsson@kirkjan.is. Maturinn verður á 2.000 kr. Kynningin hefst svo kl. 19.20 og verður einnig fjallað um það í kirkjunni um kvöldið.

Kvöldguðþjónusta um kristniboð og vinasöfnuð verður í Glerárkirkju sunnudagskvöldið 10. nóvember kl: 20.00 Krossbandið leiðir söng. Sr, Jakob Hjálmarsson sýnir myndir frá Kenía og prédikar. Sr. Guðmundur Guðmundsson þjónar.