Fréttir

Dr. Hjalti Hugason birtir í gær pistil m.a. á trú.is þar sem hann fjallar um þjóðkirkjuákvæðið í stjórnarskránni og segir m.a.: ,, Í 62. gr. felast bæði réttindi og skyldur þjóðkirkjunni til handa. Greinin kveður á um að evangeliska lúterska kirkjan skuli njóta stuðnings og verndar ríkisvaldsins „að því leyti“ sem hún er þjóðkirkja. Það var hún svo sannarlega 1874. Fram til þess tíma hafði þjóðinni borðið skylda til að vera lútersk. Með stjórnarskránni var hins vegar innleitt trúfrelsi. Allur þorri þjóðarinnar var þó áfram lúterskur í einhverri merkingu og tilheyrði kirkjunni. Því var hún þjóðkirkja, kirkja þjóðarinnar. Í ákvæðinu fólst aftur á móti ekki að ríkisvaldið skyldi styðja og vernda þessa kirkju vegna þess að hún boðaði réttari trú en aðrar kirkjur. "

Nú er vetrarstarfið að hefjast og við tökum fagnandi á móti söngfólki í allar raddir. Sérstaklega myndum við fagna söngglöðum körlum. Nótnalæsi er æskilegt en ekki skilyrði. Áhugasamir hafi samband við Valmar Väljaots í síma 849 2949 eða sendi tölvupóst á netfangið valmar@glerarkirkja.is.

Fermingarfræðslan hefst í dag samkvæmt stundarskrá en langflest verðandi fermingarbarna hafa nú valið sér fræðslutíma og skilað skráningarblaði til presta kirkjunnar, en fræðslan er alfarið í höndum sr. Gunnlaugs Garðarssonar sóknarprests og sr. Örnu Ýrrar Sigurðardóttur, prests. Fyrsti tíminn er í dag kl. 13:30.

Í dag, mánudaginn 17. september hefst kynningarátakið „Þróunarsamvinna ber ávöxt“ en undirtitill átaksins er í ár „Komum heiminum í lag“. Að átakinu standa frjáls félagasamtökum sem starfa að alþjóðlegri þróunarsamvinnu þar á meðal Hjálparstarf kirkjunnar og Þróunarsamvinnustofnun Íslands. Markmiðið með átakinu er að auka skilning og þekkingu almennings á málefnum þróunarlanda og vekja Íslendinga til vitundar um samfélagslegar skyldur þjóðarinnar í baráttunni gegn fátækt, vannæringu og ójöfnuði í heiminum.

Nýr þáttur í starfi Glerárkirkju er gönguhópur í umsjón hjónanna Regínu B. og Péturs Björgvins. Gengið er af stað frá Glerárkirkju um hálf fimmleytið hvern mánudag. Fastur viðkomustaður í hverri gönguferð er Lögmannshlíðarkirkja. Þar er haldin stutt helgistund áður en gengið er til baka. Engin skráning er í hópinn og öllum sem hafa áhuga og treysta sér í þessa göngu velkomið að slást í hópinn. Nánari upplýsingar gefur Pétur Björgvin í síma 864 8451.

Sú breyting hefur verið gerð á dagskrá Glerárkirkju að foreldramorgnar eru nú á þriðjudagsmorgnum. Þangað er foreldrum, forráðafólki, já öfum og ömmum með ung börn boðið. Dagskráin samanstendur fyrst og fremst af samtali í notalegu umhverfi þar sem veitinga er notið af morgunverðarhlaðborði. Á meðan sofa börnin úti eða inni í vagni eða leika sér á gólfinu. Mjög gott aðgengi og aðstaða er í safnaðarsal Glerárkirkju fyrir hópa sem þennan og öll þau sem það vilja þiggja hjartanlega velkomin.

Pistill sem sr. Sólveig Halla Kristjánsdóttir ritaði í lok vikunnar og birtur er á trú.is hefur vakið verðskuldaða athygli, tæplega 3.000 manns hafa lesið pistilinn á tveimur dögum. Sólveig Halla býr ásamt fjölskyldu sinni á Þverá í Reykjahverfi. Í pistlinum gefur hún lesandanum innlit inn í lífið í sveitinni fyrstu dagana eftir óveðrið. Hún skrifar meðal annars:

Biskupsstofa stóð fyrir námskeiði um sunnudagaskólastarf fimmtudaginn 13. september í Glerárkirkju. Þar var farið yfir það efni sem sunnudagaskólaleiðbeinendum stendur til boða að nota, kennd ný gospellög og ýmislegt fleira rætt varðandi barnastarf kirkjunnar. Námskeiðið sóttu prestar, starfsfólk og sjálfboðaliðar úr kirkjum á Norðurlandi. Hér á vef Glerárkirkju er hægt að skoða nokkrar myndir.

Næsta sunnudag verður messa kl. 11. Það er fyrsta messa vetrarins með þátttöku fermingarbarna og foreldra þeirra, en hluti af fermingarfræðslunni er að mæta í messur á sunnudögum. Ungt fólk úr æskulýðsstarfinu tekur virkan þátt í messunni. Við bjóðum öll fermingarbörn velkomin með foreldrum sínum og bjóðum upp á létt spjall fyrir foreldra í safnaðarsal að messu lokinni. Vonandi sjá sem flestir sér fært að mæta.

Sunnudagaskólastarfið er hafið í Glerárkirkju og hvetjum við foreldra og forráðafólk, afa og ömmur til þess að mæta með börnin sín í sunnudagaskólann. Í vetur munum við hafa þann háttinn á að í forkirkjunni er komið fyrir borði með litum og litlu leikhorni fyrir þau sem það kjósa á meðan þau bíða eftir að sunnudagaskólinn hefjist. Helgihaldið hvern sunnudag hefst í kirkjunni sjálfri en eftir 10 til 12 mínútur er ganga þau sem það kjósa yfir í safnaðarsalinn og taka þátt í sunnudagaskólanum. Krakkarnir fá afhenta litla bók sem þau geta nýtt til að safna biblíumyndunum í. Aftan á bókina er gefinn stimpill fyrir hvert skipti sem mætt er í sunnudagaskólann.