Fréttir

Messa verður í Glerárkirkju sunnudaginn 23. febrúar kl. 11. Prestur sr. Arna Ýrr Sigurðardóttir. Organisti Valmar Väljaots. Kór Glerárkirkju leiðir söng. Barnastarfið verður á sínum stað í safnaðarsalnum, með sameiginlegu upphafi í messunni. Allir velkomnir.

Sr. Hjalti hefur verið prestur á Akureyri um nokkurra ára skeið. Prestar Kaþólsku kirkjunnar og reglufólk biðja daglega tíðabænir á ákveðnum tíma dags, hver fyrir sig eða saman þar sem það hentar. Um það fjallar hann á fræðslukvöld miðvikudaginn 19. febrúar kl. 20. Hann nefnir erindi sitt: Tíðabænir, daglegar bænir kirkjunnar. Eftir kaffihlé og umræður mun hann leiða tíðabæn í kirkjunni eftir venju kaþólsku kirkjunnar.

Sr. Vigfús Ingvar Ingvarsson, fyrrum sóknarprestur á Egilstöðum, var með athyglisverðan fyrirlestur í Glerárkirkju 12. febrúar síðast liðinn. Erindið nefndi hann Íhugun og andleg fylgd samkvæmt hefð Ignatiusar Loyola en Nonni (Jón Sveinsson) var af reglu hans. Þetta var annar fyrirlesturinn um Kristna íhugun og bæn í Glerárkirkju nú í febrúar.

Kvöldguðsþjónusta verður í Glerárkirkju sunnudaginn 16 febrúar kl. 20. Krossbandið leiðir söng. Persónulegar fyrirbænir. Sr. Gunnlaugur Garðarsson þjónar.

Hátíðarmessa verður í Glerárkirkju sunnudaginn 16. febrúar kl. 14. í tilefni 70 ára afmælis Kórs Glerárkirkju 12. febrúar sl. er fagnað sérstaklega á þessum Drottinsdegi. Sókarfólk og aðrir velunnarar er hvött til að mæta og samfagna kórnum. Fyrrverandi kórfélagar eru sérstaklega boðnir velkomnir til hátíðarmessunnar og munu sumir þeirra taka þátt í að leiða sönginn.

Barnasamvera verður í Glerárkirkju sunnudaginn 16. febrúar kl.11. Foreldarar afar og ömmur eru kvött til að mæta með börnunum

Sr. Vigfús Ingvar Ingvarsson, fyrrum sóknarprestur á Egilsstöðum er með næsta erindi á fyrirlestraröðinni Kristin íhugun og bæn. Fyrirlesturinn verður miðvikudaginn 12. mars í Glerárkirkju kl. 20-22. Hann nefnir erindi sitt: Íhugun og andleg fylgd samkvæmt hefð Ignatiusar Loyola en Nonni (Jón Sveinsson) var af reglu hans.

Sr. Gunnlaugur Garðarsson, sóknarprestur í Glerkirkju, flutti fyrsta erindið í fyrirlestrarröðinni Kristin íhugun og bæn sl. miðvikudagskvöld. Hann fjallaði á mjög áhugaverðan hátt um bæn hjartans - Jesúbænina. Nú má hlusta á erndið á YouTube ef menn smella á Lesa áfram. Næsta miðvikudag 12. febrúar mun sr. Vigfús Ingvar Ingvarsson flytja erindi er hann nefnir: Íhugun og andleg fylgd samkvæmt hefð Ingatius Loyola en Nonni (Jón Sveinsson) var af reglu hans.

Hér er hægt að hlusta og horfa á prédikun sr. Örnu Ýrrar í kvöldguðsþjónustu 2. febrúar sl.