Fréttir

Fimmtudaginn 19. janúar verður samvera eldri borgara í kirkjunni. Gestur samverunnar verður Snorri Guðvarðsson, málarameistari og tónlistarmaður. Umsjón með samverunni hefur sr. Jón Ómar Gunnarsson.

Sunnudagaskólinn hefst á ný í Glerárkirkju n.k. sunnudaginn kl. 11. Þá verður einnig messa kl. 11, Jón Ómar Gunnarsson þjónar, kór Glerárkirkju leiðir söng undir stjórn Valmars Väljaots og Eydís Ösp Eyþórsdóttir leiðir sunnudagaskólann.

Hér á síðunni gefur að líta hópaskiptingu vegna ferminga í vor. Alls verða sjö fermingarmessur í Glerárkirkju. Frekari upplýsingar gefa prestarnir.

Sunnudaginn 11. janúar verður kvöldguðsþjónusta með Krossbandinu. Sr. Jón Ómar Gunnarsson þjónar og predikar.

Fermingarfræðslan hefst á ný þriðjudaginn 17. janúar og verður hún með sama hætti og fyrir áramót.

Föstudaginn 6. janúar verður þrettándaguðsþjónusta í Glerárkirkju kl. 18. Sr. Jón Ómar Gunnarsson þjónar og kór Glerárkirkju syngur undir stjórn Petru B. Pálsdóttur.

Að venju verður hátíðarmessa á Nýarsdag í Glerárkirkju kl. 14. Sr. Gunnlaugur Garðarsson þjónar og kór Glerárkirkju leiðir almennan söng. Allir velkomnir.

Helgihald jólanna verður með hefðbundum hætti í Glerárkirkju þessi jólin. Helgihald hátíðarinnar hefst með aftansöng á aðfangadagskvöldi kl. 18 og miðnæturmessu kl. 23.

Hinir árlegu jólatónleikar Kirkjukórs Glerárkirkju verða sunnudaginn 18. desember n.k. kl. 16. Á tónleikunum flytur kórinn þekkt jólalög, tónleikarnir eru fyrir löngu orðnir fastur liður í jólahaldi fjölmargra. Enginn aðgangseyrir, kórinn býður til tónleikanna.

Fjölskylduguðsþjónusta kl. 11. Sr. Jón Ómar Gunnarsson þjónar ásamt Eydísi Ösp Eyþórsdóttur. Barna - og Æskulýðskórar kirkjunnar syngja og leiða almennan söng undir stjórn Margrétar Árnadóttur. Allir velkomnir.