Fréttir

Konur eru konum bestar er sjálfstyrkingarnámskeið fyrir konur á öllum aldri. Það verður haldið í Glerárkirkju 12. og 13. febrúar nk. Markmiðið er að gefa konum vettvang til að kynnast sjálfum sér betur í góðu samfélagi við aðrar konur, deila reynslu sinni hver með annarri og benda á leiðir til uppbyggingar. Áhersla er lögð á virkni þátttakenda. Á námskeiðinu eru notaðar dæmisögur um konur í Nýja testamentinu sem varpa ljósi á daglegan veruleika kvenna. Leiðbeinandi er Ragnheiður Sverrisdóttir, djákni. Námskeiðið er ókeypis.

Messa kl. 11. Sr. Jón Ómar Gunnarsson þjónar. Kór Glerárkirkju syngur undir stjórn Valmars Väljaots. Sunnudagaskóli kl. 11. Umsjón hefur Sunna Kristrún Gunnlaugsdóttir, djákni.

Nú eru fermingardagar ársins 2017 aðgengilegir hér á vefnum.

Margir taka þátt í mannrækt og sjálfshjálparhópum sem iðka ýmis konar andlegar æfingar. Oft leita menn langt yfir skammt því að kjarni kristinnar trúar er bænaiðkun, hugleiðsla og lífsleikni. Á þessu námskeiði verður (1) leiðbeint og æfð bæn eins og Jesús kenndi hana. (2) Gengið í föstu sem er þjálfun í lífsleikni. (3) Kyrrðarbæn kennd og æfð en hún á rætur að rekja til trúariðkunnar í klaustrunum.

Fjölskylduguðþjónusta kl. 11. Sr. Gunnlaugur Garðarsson og Sunna Kristrún Gunnlaugsdóttir, djákni, þjóna. Barna - og æskulýðskór Glerárkirkju syngur undir stjórn Margrétar Árnadóttur. Kvöldmessa kl. 20. Sr. Gunnlaugur Garðarsson þjónar. Kór Glerárkirkju syngur undir stjórn Valmars Väljaots.

Um helgina hefst samkirkjuleg bænavika. Að vanda er farið á milli safnaðanna og beðið saman. Það eru Aðventistar, Hvítasunnukirkjan, Hjálpræðisherinn, Kaþólska kirkjan og Þjóðkirkjan sem standa fyrir þessum samverun á Akureyri. Fimmtudaginn 21. janúar kl. 20 verður svo sameiginleg samkoma hér í Glerárkirkju þar sem Gospelkór Akureyrar og Kór Glerárkirkju syngja og leiða söng.

UD - Glerá, æskulýðsfélag Glerárkirkju og KFUM og KFUK, er fyrir unglinga í 8. - 10. bekk. Félagið hittist alla fimmtudaga kl. 20 - 21.30 í Sunnuhlíð, sal KFUM og KFUK (opið hús frá kl. 19:30). Í síðustu viku settu leiðtogar og félagar í æskulýðsfélaginu saman dagskrá fram á vor og verður margt spennandi á dagskrá m.a. kókosbollubrjálæði, pógó - partý, paramót í pílu, páskaeggjabingu og pizzapartý.

Gleðilegt nýtt ár, við skulum biðja og vona að það verði sem flestum farsælt og blessunarríkt. Í Glerárkirkju munum við áfram leitast við að bjóða upp á fjölbreytt og lifandi starf fyrir alla aldurshópa. Með starfinu viljum við efla og styðja við mannlífið í hverfinu og miðla trúnni á þann Guð, sem kemur til okkar í Jesú Kristi.

Messa og sunnudagaskóli kl. 11. Sr. Gunnlaugur Garðarsson þjónar, kór Glerárkirkju syngur undir stjórn Valmars Väljaots. Umsjón með sunnudagaskólanum hefur Sunna Kristrún Gunnlaugsdóttir, djákni.

Messa og sunnudagaskóli kl. 11. Sr. Jón Ómar Gunnarsson og Aníta Jónsdóttir, meðhjálpari, þjóna, kór Glerárkirkju syngur undir stjórn Valmars Väljaots. Umsjón með sunnudagaskólanum hefur Sunna Kristrún Gunnlaugsdóttir, djákni.