Fréttir

Hjónin í Laufási, sr. Bolli Pétur Bollason og Sunna Dóra Möller, guðfræðingur, halda erindi í safnaðarsal Glerárkirkju miðvikudagskvöldið 28. mars kl. 20:00 sem nefnist: ,,Vegurinn framundan, nútíminn og framtíðin.” Fyrirlesturinn er hluti af umræðukvöldum prófastsdæmisins sem haldin hafa verið í vetur í samstarfi við Glerárkirkju og hefst dagskráin kl. 20:00.

Talningu í biskupskjöri lauk í gær. Þar sem enginn var með hreinan meirihluta verður kosið aftur á milli tveggja efstu. Sr. Agnes M. Sigurðardóttir og sr. Sigurður Árni Þórðarson hlutu flest atkvæði og ljóst að annað þeirra verður næsti biskup.

Kynslóðir mætast heitir samstarfsverkefni Öldrunarheimila Akureyrar og Menntaskólans á Akureyri. Það er hluti af lífsleikniáfanga hjá nemendum fjórða bekkjar í MA og gengur út að leiða unga og aldna saman. Verkefninu sem er orðið sjö ára var ýtt úr vör af Glerárkirkju á sínum tíma að fyrirmynd úr Skálholtsskóla.

Messa kl. 11. Boðunardagur Maríu. Sr. Arna Ýrr Sigurðardóttir þjónar, Kór Glerárkirkju leiðir almennan söng. Allir velkomnir. Barnastarf í safnaðarheimili á sama tíma, sameiginlegt upphaf í messu. 

Karlakór Akureyrar-Geysir stendur fyrir söngmótinu “Hæ! Tröllum” laugardaginn 24. mars. Nafnið er fengið úr gömlu þekktu sænsku lagi, sem flestir karlakórar hafa sungið. Tónleikarnir verða haldnir í Glerárkirkju og hefjast kl. 16:00. Aðgangseyrir er kr. 2.000,-

Í apríl, maí og júní 2012 geta foreldrar mætt í klukkustundarlanga dagskrá í safnaðarsal Glerárkirkju með grunnskólabörnin sín. Dagskráin er opin fyrir einn bekk úr grunnskóla í senn. Þar sér Pétur Björgvin Þorsteinsson, djákni í Glerárkirkju, um hópeflisleiki sem ætlað er að hjálpa krökkunum úr bekknum og foreldrum þeirra að kynnast. Nánari upplýsingar gefur Pétur Björgvin djákni í síma 864 8451 eða á netfangið petur@glerarkirkja.is

Í pistli á trú.is skrifar Jóhann H. Þorsteinsson, sviðsstjóri æskulýðsstarfs KFUM og KFUK um Hólavatn og segir m.a.: Til að kanna hug foreldra og barna til Hólavatns var send skoðanakönnun sem foreldrar voru hvattir til að svara í gegnum netið með reynslu barns síns í huga. Það ánægjulega við könnunina var að svörin sem bárust voru jákvæð. 84,7 % svarenda fullyrtu að barninu þeirra hefði líkað dvöl á Hólavatni mjög vel og 86,4 % töldu mjög eða frekar líklegt að þau myndu senda barnið sitt aftur á Hólavatn. Lesa pistil á trú.is - Skoða kynningarmyndband

Minnt er á, að hér á vef Glerárkirkju hafa nú um nokkurt skeið verið aðgengilegar upplýsingar um hver fermist hvenær í Glerárkirkju. Ábendingar berist til sr. Örnu á netfangið arna@glerarkirkja.is Skoða lista yfir fermingar 2012.

Miðvikudagskvöldið 21. mars kl. 20:00 flytur sr. Guðmundur Guðmundsson, héraðsprestur, erindi í safnaðarsal Glerárkirkju sem nefnist: ,,Gleði í mótlæti.” Að erindi loknu ræðir hann efni kvöldsins við dr. Bjarna Guðleifsson, náttúrufræðing. Dagskráin er hluti af umræðukvöldaröð prófastsdæmisins og Glerárkirkju. Allir velkomnir, aðgangur ókeypis, tekið er á móti frjálsum framlögum í kaffisjóð.

Í desember næstkomandi fögnum við 20 ára vígsluafmæli Glerárkirkju. Af því tilefni leitum við nú eftir myndum sem tengjast starfi kirkjunnar og Lögmannshlíðarsóknar frá stofnun hennar. Átt þú myndir sem við megum birta hér á heimasíðunni og víðar? Endilega hafðu samband við Pétur djákna í síma 864 8451 eða á netfangið petur@glerarkirkja.is