Fréttir

Í kvöld, miðvikudagskvöldið 8. febrúar hefjast umræðukvöldin sem verða í Glerárkirkju í alls átta miðvikudagskvöld í febrúar og mars. Því miður er Kristinn Ólason forfallaður, en sr. Gunnlaugur Garðarsson mun vera með opnunarerindi og sagt verður frá fyrirhugaðri dagskrá framundan. Sjá nánar hér á vefnum.

Foreldrar barna sem fermast í Glerárkirkju vorið 2012 eru boðaðir til foreldrafunda 12. og 19. febrúar eins og fram kemur í bréfi frá prestum sem send eru heim með börnunum að loknum fræðslustundum þessa vikuna. Bréfið er einnig aðgengilegt hér á heimasíðu kirkjunnar.

Þemaviku fermingarbarna lauk með heimsókn frá hljómsveitinni Tilviljun? í Glerárkirkju, sunnudaginn 5. febrúar 2012. Hljómsveitin sá um tónlistina í fjölskylduguðsþjónustu kl. 11:00 ásamt Barnakór Glerárkirkju og Æskulýðskór Glerárkirkju, en kórunum stjórnar Marína Ósk. Um kvöldið var svo guðsþjónustu kl. 20:00 þar sem nokkur fermingarbörn tóku lagið með hljómsveitinni. Við þökkum Tilviljun? kærlega fyrir komuna og öllum fyrir þátttökuna. Hér á vef kirkjunnar eru nokkrar myndir frá deginum. Fleiri myndir má skoða á: flickr.com

Fjölskylduguðsþjónusta og barnastarf kl. 11:00 Hljómsveitin Tilviljun? sér um tónlist og söng ásamt Barnakór Glerárkirkju og Æskulýðskór Glerárkirkju, en kórarnir koma fram undir stjórn Marínu Óskar Þórólfsdóttur. Kvöldguðsþjónusta klukkan 20:00. Fermingarbörn taka virkan þátt. Hljómsveitin Tilviljun? sér um tónlistina ásamt fermingarbörnum.

Foreldrar fermingarbarna er vinsamlegast beðnir að senda inn endanlega dagsetningu á fermingardegi. Reglan er sú að börnin eru skráð á fermingardag með sínum bekk nema annað sé tekið fram. Foreldrar þurfa sem sagt ekki að hafa samband ef börnin eiga að fermast á þeim degi sem þeirra bekkur er skráður.  Þið sem þurfið að breyta um fermingardag, vinsamlegast látið vita fyrir öskudag, 22. febrúar nk. Best er að koma breytingum til sr. Örnu, á arna@glerarkirkja.is Hér má finna fermingardaga í Glerárkirkju árið 2012

Hljómsveitin Tilviljun? kom nýverið fram á tónleikum í Neskirkju. Þar var þetta myndband gert. Endilega skoðið það og kynnist hljómsveitinni sem verður í heimsókn í Glerárkirkju næstkomandi sunnudag.

Þessa vikuna er þemavika fermingarbarna í Glerárkirkju. Í boði er fjölbreytt dagskrá sem vert er að kynna sér.

Ég gleðst yfir kirkjunni minni, já ég hreinlega elska hana. Þar er frábært starf, frábært fólk. Ég vil ekki týna gleðinni þó það gefi á bátinn. Lesa mánudagspistil á trú.is.

Eyjafjarðar- og Þingeyjarprófastsdæmi í samstarfi við Glerárkirkju stendur fyrir samræðukvöldum eins og undanfarin misseri. Tilgangurinn með þeim er að skapa vettvang til samtals um kirkju og kristni og er öllum sem áhuga hafa velkomið að taka þátt í samtalinu. Nánari upplýsingar um samræðukvöldin má finna hér á vef kirkjunnar.

Sr. Arna Ýrr Sigurðardóttir þjónar, félagar úr Kór Glerárkirkju leiða almennan söng. Allir velkomnir.  Barnastarf í safnaðarheimili á sama tíma, sameiginlegt upphaf í messu.