Fréttir

Sunnudaginn 12. júlí n.k. verður útvarpsguðsþjónustan á Ríkisútvarpinu kl. 11 í umsjón Glerárkirkju. Guðsþjónustan var hljóðrituð í Akureyrarkirkju í júníbyrjun. Kór Glerárkirkju syngur undir stjórn Valmars Väljaots, Aníta Jónsdóttir og Hermann R. Jónsson lesa ritningarlestra og sr. Guðmundur Guðmundsson, héraðsprestur þjónar fyrir altari.

Messa í Lögmannshlið kl. 20.00. Prestur Sr. Gunnlaugur Garðarsson þjónar. Helgistund, fyrirbænir og sakramenti. Organisti: Valmar Väljaots. Allir velkomnir.

Messa kl. 20. Sr. Gunnlaugur Garðarsson þjónar og kór Glerárkirkju syngur undir stjórn Valmars Väljaots. Allir velkomnir.

Sunnudaginn 21. júní verður gönguguðsþjónusta í Glerárkirkju kl. 20. Gengið verður um hverfið og staldrað við á nokkrum stöðum í hverfinu.

Sunnudaginn 14. júní verður messa kl. 20. Sr. Jón Ómar Gunnarsson þjónar ásamt Anítu Jónsdóttur, meðhjálpara. Kór Glerárkirkju leiðir almennan söng undir stjórn Valmars Väljaots. Frá og með 14. júní verða sunnudagsmessur í Glerárkirkju kl. 20 í staðin fyrir kl. 11. Að jafnaði verður helgihald alla sunnudaga í sumar.

Sunnudaginn 7. júní kl. 11 verður sjómannadagsmesa í Glerárkirkju. Víðir Benediktsson, skipstjóri á Húna II, les ritningarlestra og Ríkharður Ólafsson og Ída Hlín Steinþórsdóttir, sjómannsbörn, bera blómakrans til minningar um týnda og drukknaða sjómenn að messu lokinni. Blómakransinn er gefinn af Sjómannafélagi Eyjafjarðar.

Miðvikudaginn 26. maí buðu prestar Glerárkirkju upp á stutta kynningarfundi vegna fermingarstarfs kirkjunnar 2015-2016. Á fundunum kynntu prestarnir fyrirkomulag fermingarstarfsins í Glerárkirkju næsta vetur. Kynningarfundir verða aftur í ágúst/september. Fermingarfræðslan hefst á sólarhrings fermingarferðalagi á Hólavatn 18. - 22. ágúst. Frekari upplýsingar um fermingastarfið og fermingarferðalög eru á vef kirkjunnar. Skráning í fermingarfræðslu er hafin og fer fram hér á vefnum.

Sunnudaginn 31. maí verður messa í Lögmannshlíðarkirkju kl. 14. Sr. Gunnlaugur Garðarsson þjónar og kór Glerárkirkju leiðir almennan söng undir stjórn Valmars Väljaots.

Miðvikudaginn 27. maí verða kynningarfundir í Glerárkirkju vegna ferminga 2016 (ungmenni fædd 2002). Fundirnir verða sem hér segir: Glerárskóli kl. 16:30, Giljaskóli kl. 17:30 og Síðuskóli kl. 18:30. Á kynningarfundum verður stutt spjall um ferminguna og farið yfir nokkur praktísk atriði. Upplýsingar um fermingarstarf Glerárkirkju er hér á vefnum.

Hátíðarmessa á hvítasunnudegi kl. 14. Sungnir verða hátíðarsöngvar sr. Bjarna Þorsteinssonar. Sr. Jón Ómar Gunnarsson þjónar og predikar. Kór Glerárkirkju leiðir almennan söng undir stjórn Petru Bjarkar Pálsdóttur. Allir velkomnir.