Fréttir

Sr. Arna Ýrr Sigurðardóttir kynnti málþingin í mars á miðvikudagskvöldum kl. 20 um réttlæti. Hér má sjá kynninguna og á næstunni birtast hugvekja hennar og erindi Margrétar Steinarsdóttur um mannréttindi og réttlæti. Það var upplýsandi erindi um mannréttindi og uppruna þeirra og þýðingu fyrir nútímasamfélag okkar. Pallborðsumræður voru gefandi með fulltrúum frá stjórnmálaflokkum á Akureyri.

Messað verður í Glerárkirkju sunnudaginn 9. mars kl 11. Sameiginlegt upphaf í barnastarfi. Sr. Gunnlaugur Garðarsson þjónar. Kór Glerárkirkju leiðir söng undir stjórn Petru Bjarkar Pálsdóttir Allir velkommnir.

Á miðvikudagskvöldunum í mars verður málþing kl. 20-22. Félagslegt réttlæti verður skoðað út frá fjórum þemum: 1. Mannréttindi – réttlæti. 2. Fátækt og misskipting auðs. 3. Jafnrétti og jafnræði. 4. Einstaklingshyggja – Samfélagsleg ábyrgð. Auk fyrirlesara taka fulltrúar sjórnmálaflokka þátt í pallborðsumræðum. Í upphafi er stutt hugvekja út frá efni kvöldsins. Velkomin að taka þátt í opinni umræðu um málefni sem snerta alla. Kvöldin eru öllum opin og kosta ekkert. Miðvikudaginn 5. mars fjalla Magrét Steinsdóttir um mannréttindi og réttlæti. Hún framkvæmdstjóri Mannréttindaskrifstofu Íslands.

Það verður mikið um dýrðir í fjölskylduguðsþjónustunni á sunnudaginn. Krakkar úr leiksýningunni Gullna hliðið koma í heimsókn ásamt Hljómsveitinni Evu og flytja atriði úr sýningunni. Svo syngur Marín Eiríksdóttir einsöng og Barna- og æskulýðskór kirkjunnar kemur fram.

Sunnudagurinn 2. mars er æskulýðsdagur þjóðkirkjunnar. Í því tilefni verður kaffihús með gómsætum bollum og tónlist í safnaðarsal Glerárkirkju kl. 16-17:30.

Hér má sjá prédikun sr. Örnu Ýrrar frá sl. sunnudegi.

Síðasta erindið um kristna íhugun og bæn verður í kvöld miðvikudag 26. febrúar kl. 20 í þessari fyrirlestraröð. Sr. Guðrún Eggertsdóttir mun fjallar um Kyrrðarbænina (Centering prayer) og leiða íhugun í kirkjunni. Þá er erindi sr. Halta Þorkelssonar, prestur Kaþólsku kirkjunnar á Akureyri, aðgengilegt hér á vefnum. Hann nefndi erindi sitt: Tíðabænir, daglegar bænir kirkjunnar.

Fjölskylduguðsþjónust verður í Glerárkirkju sunnudaginn 2. mars kl. 11.00 Prestur er sr. Arna Ýrr Sigurðardóttir þjónar ásamt Ragnheiði Sverrrisdóttir djákna. Barna-og æskulýðskórinn Glerárkirkju leiðir almennan söng. Börn úr leiksýningunni Gullna hliðinu koma fram ásamt Hljómsveitinni Evu. Einsöngur Marin Eiriksdóttir. Um tónlist sjá Dagný Halla Björnsdóttir og Björn Þórarinnsson Allir hjartanlega velkomnir.

Messa verður í Glerárkirkju sunnudaginn 23. febrúar kl. 11. Prestur sr. Arna Ýrr Sigurðardóttir. Organisti Valmar Väljaots. Kór Glerárkirkju leiðir söng. Barnastarfið verður á sínum stað í safnaðarsalnum, með sameiginlegu upphafi í messunni. Allir velkomnir.

Sr. Hjalti hefur verið prestur á Akureyri um nokkurra ára skeið. Prestar Kaþólsku kirkjunnar og reglufólk biðja daglega tíðabænir á ákveðnum tíma dags, hver fyrir sig eða saman þar sem það hentar. Um það fjallar hann á fræðslukvöld miðvikudaginn 19. febrúar kl. 20. Hann nefnir erindi sitt: Tíðabænir, daglegar bænir kirkjunnar. Eftir kaffihlé og umræður mun hann leiða tíðabæn í kirkjunni eftir venju kaþólsku kirkjunnar.