Fréttir

Messa verður í Lögmannshlíðarkirkju sunnudaginn 24. ágúst kl. 20.30. Prestur sr. Gunnlaugur Garðarsson. Kór Glerárkirkju leiðir almennan söng undir stjórn Valmars Väljaots. Allir velkomnir.

Sr. Arna Ýrr Sigurðardóttir mun kveðja söfnuðinn í messu sunnudagskvöldið 17. ágúst kl. 20:30. Hún heldur nú til starfa í Grafarvogssöfnuði í Reykjavík eftir fjögurra ára þjónustu hér. Allir eru velkomnir að taka þátt í helgihaldinu og þiggja veitingar að messu lokinni.

Messa verður í Glerárkirkju sunnudaginn 17. ágúst kl. 20.30 Sr. Arna Ýrr Sigurðardóttir þjónar og kveður söfnuninn. Kaffi og meðlæti að messu lokinni. Allir hjartanlega velkomnir.

Undanfarin tvö ár hefur væntanlegum fermingarbörnum verið boðið upp á ferð til Hólavatns í ágúst. Tilgangurinn er að kynna æskulýðsstarf kirkjunnar fyrir börnunum en það er unnið í samstarfi við KFUM og K.

Sr. Arna Ýrr Sigurðardóttir þjónar, allir velkomnir.

Glerárkirkja gefur starfsfólki sínu frí um verslunarmannahelgina. Næsta messa verður sunnudaginn 10. ágúst kl. 20:30

Næsta sunnudagskvöld, 27. júlí kl. 20:30 verður írsk stemning í kvöldmessu. Meðlimir úr hljómsveitinni PKK sem leikur aðallega írska þjóðlagatónlist heiðra okkur með nærveru sinni ásamt söngkonunni Marínu Ósk. Sr. Arna Ýrr þjónar og boðið verður upp á kaffi og með því í safnaðarheimilinu eftir messu. Allir eru velkomnir.

Þetta hjól lá í reiðileysi á planinu við kirkjuna um daginn og hefur verið hér í fóstri síðan. Það vill gjarnan komast heim til sín!

Kvöldmessa kl. 20:30. Sr. Arna Ýrr Sigurðardóttir þjónar. Allir velkomnir.

Séra Jón Ómar Gunnarsson hefur verið skipaður prestur við Glerárkirkju frá og með 1. september nk. Jón Ómar er fæddur 15. september 1982. Hann er kvæntur Berglindi Ólöfu Sigurvinsdóttur, og á soninn Sigurvin Elí. Við bjóðum Jón Ómar velkominn til starfa og hlökkum til samstarfsins!