Fréttir

Þau Guðný, Guðrún, Herdís, Ísak, Sandra og Samúel fóru í ágúst síðastliðinn ásamt Pétri djákna til Póllands. Erindið var að taka þátt í ungmennaskiptaverkefni með fjórum öðrum þjóðum. Upplifun þeirra er efni fræðslukvölds í safnaðarsal Glerárkirkju miðvikudagskvöldið 28. september næstkomandi. Dagskráin hefst kl. 20:00 og er öllum opin. Sjá einnig á www.facebook.com/glerarkirkja 

Í pistli dagsins á trú.is skrifar Pétur Björgvin djákni meðal annars: ,, ...vildi ég óska þess að ég væri duglegri að hrósa öðrum. Þegar ég lít í eigin barm uppgötva ég að það kemur þó oftar fyrir að ég hrósi einhverjum sem er að byrja eitthvað nýtt, kemur með nýung inn í starfið, gerir eitthvað bráðsnjallt og skemmtilegt." Lesa pistilinn á trú.is

Miðvikudagur 16. september 12:00 Hádegissamvera 15:00 Kynningarstund á fermingarfræðslunni fyrir krakka úr Glerárskóla 16:00 Kynningarstund á fermingarfræðslunni fyrir krakka úr Síðuskóla Fimmtudagur 17. september 10:00 Foreldramorgunn 15:15 Kynningarstund á fermingarfræðslunni fyrir krakka úr Giljaskóla 19:00 Föndurkvöld kvenfélagsins Baldursbrár Föstudagur 18. september 19:30 KNS (Framhaldsskólaaldurinn) í félagsheimili KFUM og KFUK í Sunnuhlíð Sunnudagur 20. september 11:00 Barnastarf og messa. Sameiginlegt upphaf. 20:30 Kvöldguðsþjónusta  með Krossbandinu Mánudagur 21. september 15:30 Æfingar Barnakórs Glerárkirkju (2. til 5. bekkur) 16:30 Æfingar Æskulýðskórs Glerárkirkju (6. bekkur og eldri) 16:30 Kirkjuskólinn (1. til 4. bekkur) 18:00 Vinir í bata 19:30 12 Spora fundir Þriðjudagur 22. september 15:00 Æfingar Drengjakórs Glerárkirkju ( 4. til 7. bekkur) 17:00 TTT klúbburinn ( 5. til 7. bekkur) 18:00 Glerbrot (8. til 10. bekkur) 20:00 Æfingar Kórs Glerárkirkju 20:00 Alfa námskeið hjá KFUM og KFUK í Sunnuhlíð

Multivitamin is for young people from all over the world. The YMCA and Glerárkirkja church are working together on this project.The program starts on Monday 14th October in the YMCA-house (Verslunarmiðstöðinni Sunnuhlíð). Multivitamin is open for young people age 14 to 17, every second Monday from 19:00 to 21:30. If you are interested please contact us by phone. 699-4115 or 864-8451. The program is free of charge. Fjölvítamín er verkefni á vegum KFUM og KFUM í samstarfi við Æskulýðsstarf Glerárkirkju. Fjölvítamín er félagsstarf fyrir nýbúa og ungt fólk sem er fætt á Íslandi og er opið öllum sem hafa áhuga og eru 14 til 17 ára. Viltu vera með? Endilega sendu okkur SMS eða hringdu: Jóhann 699-4115 og Pétur 864-8451

Kirkjuskólinn, starf fyrir grunnskólabörn úr fyrsta, öðrum, þriðja og fjórða bekk verður á mánudögum í Glerárkirkju kl. 16:30 til 17:30. Fyrsta samveran verður 14. september. Stefnt er að starfi í tveimur aldurshópum, annars vegar yngri hóp fyrir börn úr fyrsta og öðrum bekk, hins vegar eldri hóp fyrir börn úr öðrum og þriðja bekk. Kirkjuskólinn er framhald af sunnudagaskólastarfinu og gefur þannig börnum sem hafa sótt sunnudagaskólann eða sækja hann enn að hittast einnig á virkum dögum. Hver stund byrjar með helgistund í kirkjunni, að henni lokinni er farið í ýmsa leiki og fleira til gamans gert. Lögð er áhersla á að börnin læri nýja biblíusögu hvern dag.

,,Kirkjan vill með guðsþjónustu sinni, fræðslu og kærleiksþjónustu vera tákn, verkfæri og farvegur fyrir samfélagið við Krist þar sem manngildi og jafnrétti allra jarðar barna er í hávegum haft, minnug þess að Gullna Reglan og Litla Biblían, orð Jesú, fela í sér jafnréttishugsjón." skrifar Pétur Björgvin djákni í Glerárkirkju m.a. í pistli dagsins á trú.is Lesa pistil.

Samkvæmt lögum um ráðstafanir í ríkisfjármálum nr. 70/2009 lækka sóknargjöld þó nokkuð en fyrstu sex mánuði ársins 2009 voru þau 855 kr. á mánuði fyrir hvern einstakling eldri en 16 ára. Þann 1. júlí síðastliðinn lækkuðu þau í 811 kr. og þann 1. janúar 2010 munu þau lækka enn frekar, eða í 767 kr. á hvern einstakling eldri en 16 ára.

6 ungmenni úr Glerárkirkju munu taka þátt í ungmennasamskiptaverkefni í Póllandi í ágúst. Fararstjóri er Pétur Björgvin Þorsteinsson, djákni. Fréttabréf með dagskrá og ýmsum upplýsingum er nú aðgengilegt á netinu.

Fræðslusetur kirkjunnar á Löngumýri í Skagafirði í samvinnu við Krabbameinsfélag Skagafjarðar og Dug félag aðstandenda krabbameinssjúkra í Skagafirði bjóða til hvíldardvalar fyrir þá sem misst hafa maka sinn, dagana 12. - 17. júlí 2009. Sjá nánar á vef Eyjafjarðarprófastsdæmis.

Kvöldmessa verður í Glerárkirkju kl. 20:30. Félagar úr vélhjólaklúbbnum ,,Trúboðarnir" lesa ritningarlestra. Sr. Gunnar Sigurjónsson flytur hugleiðingu. Félagar úr Kór Glerárkirkju syngja og leiða söng. Sr. Gunnlaugur Garðarsson þjónar fyrir altari. Organisti er Hjörtur Steinbergsson. Kaffiveitingar í safnaðarsal að athöfn lokinni. Allir velkomnir.