Fréttir

Starfsfólk Glerárkirkju ásamt sóknarpresti sr. Gunnlaugi Garðarssyni héldu í dag lítið hóf til heiðurs sr. Helga Hróbjartssyni sem nú kveður söfnuðinn eftir að hafa sinnt afleysingarstörfum prests í um hálft ár í Glerárprestakalli. Voru sr. Helga þökkuð góð störf og allt framlag hans, kirkju og kristni til blessunar í söfnuðinum. Helgi mun fljótlega halda til Eþíópíu þar sem hann mun sinna leiðtogafræðslu fyrir fleiri söfnuði í suður Eþíópíu. En áður en hann fer til starfa þar mun hann taka virkan þátt í kristniboðsmótinu á Löngumýri 16. til 18. júlí. Allir eru hjartanlega velkomnir á mótið! Skráning fer fram á Löngumýri í síma 453 8116. Frekari upplýsingar fást á skrifstofu Kristniboðssambandsins, Háaleitisbraut 68, s. 533 4900, netfang: sik@sik.is.

Arna Ýrr Sigurðardóttir er nýr prestur í Glerárprestakalli. Innsetningarmessa hennar verður sunnudagskvöldið 20. júní kl. 20:30 en þar mun sr. Hannes Örn Blandon prófastur setja hana inn í embætti. Vinir og velunnarar kirkjunnar eru hvattir til að mæta. Sr. Arna Ýrr mun predika og þjóna ásamt sr. Gunnlaugi Garðarssyni sóknarpresti. Kór Glerárkirkju mun leiða sönginn í helgihaldinu undir stjórn organista kirkjunnar, Valmars Väljaots. Að messu lokinni er boðið upp á kaffi í safnaðarsal. Sr. Arna Ýrr er fædd og uppalin á Akureyri, gekk í Oddeyrarskóla og lauk stúdentsprófi frá MA. Hún vígðist sem prestur til Raufarhafnar 20. ágúst 2000 og gegndi því embætti í sex ár, eða allt þar til það var lagt niður árið 2006. Þá tók hún við starfi sem prestur í tveimur sóknum í Reykjavík, í Langholtssókn og Bústaðasókn, þar sem hún starfaði við hlið sóknarprestanna. Hún er gift Elvari Árna Lund, sjávarútvegsfræðingi og eiga þau tvo syni, Níels Árna, 5 ára og Benedikt Árna 2 ára. Fyrir á sr. Arna, Loga sem er 22 ára. Aðspurð segist sr. Arna Ýrr hlakka mikið til að koma til starfa í söfnuðinum og ekki skemmir fyrir tækifærið að fá að starfa sem prestur í sínum heimabæ.

Fjórir umsækjendur eru um stöðu prests í Glerárprestakalli sem veitt er frá 1. júní næstkomandi. Þau eru: Sr. Arna Ýrr Sigurðardóttir, sr. Jóna Lovísa Jónsdóttir, Stefán Einar Stefánsson guðfræðingur og sr. Þorgeir Arason. (Sjá nánar á kirkjan.is) 

Jafnréttisnefnd Þjóðkirkjunnar stendur fyrir ráðstefnu í Glerárkirkju 23. apríl næstkomandi undir yfirskriftinni ,,Þjóðkirkjan og samþætting kynjasjónarmiða." Vænst er þátttakenda af landinu öllu. Sjá nánar á www.kirkjan.is/jafnretti.

Næstkomandi fimmtudag, 1. apríl (Skírdagur) fellur foreldramorgunn niður en dagskráin á vorönn verður sem hér segir:

Fimmtudaginn 11. mars var hinu árlega samstarfsverkefni Öldrunarheimila Akureyrar, Menntaskólans á Akureyri, Akureyrarkirkju, Glerárkirkju og Eyjafjarðarprófastsdæmis “Kynslóðir mætast” ýtt úr vör. Verkefnið er hluti af lífsleikniáfanga hjá nemendum í fjórða bekk MA. Þetta er fimmta árið sem verkefnið fer fram og vekur það eftir sem áður mikla lukku hjá ungum sem öldnum. Lesa nánar á vef Eyjafjarðarprófastsdæmis.

Í dag birtist á trú.is mjög þarfur pistill Ragnheiðar Sverrisdóttur djákna og sviðsstjóra kærleiksþjónustusviðs Biskupsstofu þar sem hún bendir á þá varhugaverðu þróun sem svokölluð SMS-lán geta kallað fram: ,,Þessi lán eru ávísun á fjárhagsleg vandamál einmitt vegna þess hve auðvelt er að nálgast þau - bara eitt sms skeyti.” Lesa pistil á trú.is

Biskup Íslands auglýsir laust til umsóknar embætti prests í Glerárprestakalli, Eyjafjarðarprófastsdæmi frá 1. júní 2010. Sjá nánar á kirkjan.is.

Á morgun, miðvikudaginn 17. febrúar hefst Emmaus-námskeið í Glerárkirkju. Sjá nánar á vef Eyjafjarðarprófastsdæmis.

Fermingarbörnum í Glerárkirkju býðst að taka þátt í söngbúðum á Löngumýri dagana 13. til 14. febrúar næstkomandi með félögum úr Æskulýðskór Glerárkirkju. Nánari upplýsingar má finna í auglýsingabæklingi hér á netinu. Athugið aðeins 40 pláss! Fyrstur kemur, fyrstur fær.