Fréttir

Fyrsta samræðukvöldið um trúna á Krist, guðspjöllin og nútímann var á miðvikudaginn var. Hér á vefnum má nú hlusta á tveggja manna tal þeirra sr. Jóns Ármanns Gíslasonar, prófastur, og Jóns Vals Jenssonar, kaþólskur guðfræðingur, um efni kvöldsins: Sagan og raunveruleikinn. Þá flutti sr. Guðmundur Guðmundsson stuttan inngang um ærlegt samtal páfa og rabbía. Næsta miðvikudagskvöld kl. 20 halda svo sr. Sigríður Munda Jónsdóttir, sóknarprestur í Ólafsfirði, og dr. Sigurjón Árni Eyjólfsson, héraðsprestur í Reykjavík áfram með efnið: Kirkjan og guðfræðin. Lesa áfram á vef prófastsdæmisins.

Sunnudaginn 9. október er messa kl. 11:00 í Glerárkirkju. Sr. Gunnlaugur Garðarsson þjónar. Félagar úr Kór Glerárkirkju leiða almennan söng. Sunnudagaskóli á sama tíma. Sameiginlegt upphaf í messu. Foreldrar eru hvattir til að kynna sér sunnudagaskólann á netinu, á veffanginu: www.barnatru.is.

Fimmtudaginn 6. október 2011 mun Marína Ósk Þórólfsdóttir, nýr kórstjóri Æskulýðskórs Glerárkirkju kynna starf kórsins í vetur og taka við skráningum. Mæting er klukkan fimm (17:00) í safnaðarsal kirkjunnar. Kórinn er opinn öllum úr sjötta bekk og eldri.

Átta krakkar sem eru virk í æskulýðsstarfi Glerárkirkju hafa þegar skráð sig í hóp þeirra sem ætla á landsmót æskulýðsfélaga á Selfossi í lok október. Nokkrir eru enn að hugsa sig um eða eiga eftir að skila skráningarblaði. Skila þarf skráningu og greiða staðfestingargjald í síðasta lagi fimmtudagskvöldið 6. október.

Fermingarfræðslan er nú hafin af fullum krafti í Glerárkirkju undir stjórn og í umsjón presta kirkjunnar, sr. Gunnlaugs Garðarssonar, sóknarprests, og sr. Örnu Ýrrar Sigurðardóttur, prests. Fræðslan er á eftirfarandi dögum:

Boðið verður upp á átta samræðukvöld í Glerárkirkju í október og nóvember á miðvikudagskvöldum kl. 20:00. Þar verður lögð áhersla á samtalið. Hvert kvöld fær kirkjan tvo einstaklinga til liðs við sig og taka þeir upp tveggja manna tal um efni kvöldsins. Fyrsta kvöldið verður 5. október. Þar munu Jón og sr. Jón (Jón Valur Jensson og sr. Jón Ármann Gíslason) ræða um hinn sögulega Jesú. Að loknu kaffihléi eru þátttakendur hvattir til að blanda sér í samtalið. Skoða auglýsingu - Lesa meira á vef prófastsdæmisins - Prenta út bækling.

Miðvikudagskvöldið 28. september var boðið upp á fræðslu í safnaðarheimili Glerárkirkju um listakonuna á bak við biblíumyndirnar sem þar eru nú til sýnis. Hér að ofan má horfa á fræðsluna aftur.

Laugardaginn 24. september var aðalfundur Hjálparstarfs kirkjunnar 2011 haldinn í safnaðarheimili Grensáskirkju. Helstu fréttir af fundinum eru þær að Þorsteinn Pálsson stjórnarformaður Hjálparstarfsins kvaddi eftir 5 ára farsæla stjórnarsetu á erfiðum tímum. Ingibjörg Pálmadóttir var kosinn nýr formaður á fundinum. Þá var ný skipulagsskrá samþykkt á fundinum. Sjá nánar á vef prófastsdæmisins.

Fimmtudaginn 29. september er að venju foreldramorgunn frá 10:00 til 12:00. Að þessu sinni fáum við góðan gest. Sigrún Magna Þórsteinsdóttir, organisti við Akureyrarkirkju, kemur og kynnir krílanámskeiðin sem hún sér um, en námskeiðin eru vel til þess fallin að róa huga foreldra sem barna við yndisljúfan söng og hreyfingu. Það eru allir velkomnir á foreldramorgna í Glerárkirkju með ungabörnin. Morgunverður á vægu verði.

Þessa dagana stendur yfir sýning í Glerárkirkju á eftirprentunum af biblíumyndum sem notaðar voru við kennslu í skólum bæjarins hér áður fyrr. Höfundur flestra þeirra er Elsie Anna Wood (1887 - 1978). Miðvikudagskvöldið 28. september kl. 20:00 verður fræðslukvöld um listamanninn og myndirnar í Glerárkirkju. Þeim sem ekki eiga heimangengt gefst nú þegar kostur á að: Skoða glærur kvöldsins og lesa erindi kvöldsins.