Fréttir

Á vef prófastsdæmisins má nú finna stutta samantekt frá fyrsta umræðukvöldinu um þjóðgildin. Lesa áfram á vef prófastsdæmisins.

Í kvöld, mánudagskvöldið 7. febrúar er fyrsta af átta umræðukvöldum um þjóðgildin sem verða í Glerárkirkju í febrúar og mars. Framsögumaður kvöldsins er Gunnar Hersveinn, höfundur bókarinnar ÞJÓÐGILDIN. Lesa má nánar um kvöldin á vef prófastsdæmisins, og einnig pistil á trú.is.

Ungt fólk úr æskulýðsfélaginu Glerbroti var meðal þátttakenda á æskulýðsmóti sem var haldið í Brúarásskóla á Fljótsdalshéraði, á vegum Æ.S.K.A., Æskulýðssambands kirkjunnar á Austurlandi og ÆSKEY, Æskulýðssambands Eyjafjarðarprófastsdæmis. Um 90 unglingar á aldrinum 13 -16 ára mættu og komu þau af svæðinu frá Akureyri til Breiðdalsvíkur ásamt rúmlega 20 leiðtogum, prestum og djáknum. 

Næstkomandi sunnudag, 6. febrúar munu fermingarbörn úr Glerárskóla taka virkan þátt í helgihaldinu með upplestri og leikrænni tjáningu. Mæting til undirbúnings er kl. 10:00.

Sunnudaginn 6. febrúar er kvöldmessa kl. 20:30. Sr. Gunnlaugur Garðarsson þjónar, félagar úr Kór Glerárkirkju leiða almennan söng. Allir velkomnir. 

Sunnudaginn 6. febrúar er fjölskylduguðsþjónusta kl. 11. Sr. Gunnlaugur Garðarsson þjónar ásamt Pétri Björgvin Þorsteinssyni djákna. Barnakór Glerárkirkju syngur undir stjórn Hjördísar Evu Ólafsdóttur. Fermingarbörn taka þátt í helgileik. Barnastarf fyrir yngri börnin er í safnaðarheimili á sama tíma. Sameiginlegt upphaf. Allir velkomnir.

Eru þjóðgildin bara orðin tóm? Eiga þau erindi til okkar? Hvaða máli skipta þau? Hvernig tengjast hefðir og siðir í landinu tilvist okkar og framtíðarsýn? Þessar og fleiri spurningar verða ræddar á umræðukvöldum í Glerárkirkju sem hefjast 7. febrúar næstkomandi með framsögu Gunnars Hersveins, en umræðukvöldin eru byggð á bók hans Þjóðgildin.

Allir eru hjartanlega velkomnir á handavinnukvöld Baldursbrár sem eru öll fimmtudagskvöld milli 19:00 og 21:00 á neðri hæð kirkjunnar. Gengið inn að norðan. Munið aðalfundinn 17. febrúar næstkomandi kl. 20:00!

Miðvikudagskvöldið 26. janúar kl. 18:00 verður kynning á næsta ALFA námskeiði í félagsheimili KFUM og KFUK í Sunnuhlíð. Námskeiðið fjallar um bréf gleðinnar, Filippíbréfið. Umsjón með námskeiðinu hafa sr. Guðmundur Guðmundsson héraðsprestur og Fjalar Freyr Einarssonar kennari. Sjá nánar á vef Eyjafjarðarprófastsdæmis.

ÆSKEY og KFUM og KFUK á Norðurlandi standa fyrir febrúarmóti dagana 18. og 19. febrúar á Hrafnagili. Þar mun fjöldi krakkar úr TTT klúbbum kirknanna og úr yngri deildar starfi KFUM og KFUK hittast og eiga saman góðar stundir við leik og fræðslu. Sjá nánar: http://www.glerarkirkja.is/is/kirkjan/news/daginn-i-dag-gerdi-drottinn-gud/